Ցար Տիգրան անվանման չշշալցված կոնյակ՝ 15 տարվա հնեցվածության, 19․049․2 լիտր, 40% թնդության, առանց ակցիզային հարկի։ 

Ծանուցում․

Արծնապատ պանամաներում (ցիստեռներում) պահվող կոնյակների գնման դեպքում հաղթող մասնակիցը պարտավորվում է սեփական միջոցներով և հաշվին կազմակերպել ու կատարել հետևյալ գործողությունները և կրել դրանց հետ կապված բոլոր ծախսերը՝

• Կոնյակի տեղափոխումը արծնապատ պանամայից (ցիստեռնից),
• Անհրաժեշտ սարքավորումների, տրանսպորտի և աշխատանքային ուժի ապահովումը,
• Տարաների մաքրումը, լվացումը կամ այլ նախապատրաստական աշխատանքները (եթե պահանջվում է),
• Տեղափոխման ընթացքում առաջացող բոլոր ռիսկերի ապահովագրումը (եթե կիրառելի է)։

Կոնյակները անցել են ստորև նշված փորձաքննության տեսակները՝

• «ՀՀ «Փորձագիտական կենտրոն» ՊՈԱԿ-ի կողմից իրականացված դատաապրանքագիտական և նյութագիտական համալիր փորձաքննություն, «Ապրանքագիտական» տեսակի «16-01՝ պարենային և ոչ պարենային ապրանքների, կենսաբազմազանության օբյեկտների, ծառայությունների, դրանց փաստաթղթերի, այդ թվում՝ արժեքային ցուցանիշների փորձաքննություն» և «Ալկոհոլային, թույլ ալկոհոլային, ոչ ալկոհոլային խմիչքների և դրանց հումքի որակական ցուցանիշների փորձաքննություն» ենթատեսակներով։ Անցկացված փորձաքննության արդյունքում ՊՈԱԿ-ի կողմից տրված եզրակացության համաձայն՝ թվով 10 արծանապատ պահամաններում առկա հեղուկները իրենց թնդությամբ, զգայորոշման ցուցանիշներով (փունջ, թափանցիկություն) և քիմիական բաղադրությամբ համապատասխանում են կոնյակների համար պետական ստանդարտով սահմանված պահանջներին։ Հետևաբար դրանք հանդիսանում են թունդ ալկոհոլային խմիչքներ՝ կոնյակներ»։
• «Կոնյակների տարիքի համապատասխանության վերաբերյալ տվյալները ստացվել են համտեսման հանձնաժողովի կողմից կազմված արձանագրության հիման վրա»։
• «Ստանդարտացման և չափագիտության ազգային մարմին» ՓԲԸ-ի կողմից տրված թիվ ՍՉԱՄ-539 փաստացի չափումների արդյունքների մասին արձանագրություն: Ըստ արձանագրության արտացոլված դմ3-ով / 1 դմ3 =1լիտր քանակները»:
• «ԱՐՄԷՔՍՊԵՐՏԻԶԱ» ՍՊԸ-ի կողմից հաշվարկված արժեքի վերաբերյալ գնահատման եզրակացություն։