Հասարակական տարածք նկուղային հարկում է (-3), առանց ներքին  և արտաքին հարդարման։ Ջուր, կոյուղի, գազամատակարարում և ջեռուցում առկա չէ։ Առկա է Էլետրամատակարարում։

Համաձայն 11.03.2014թ. հ 1048 համաձայնագրի ք․ Երևան, Արգիշտի փողոց 11/13 հասցեում գտնվող հողամասի և կառուցվող շինության, Արգիշտի 11/12 հասցեում գտնվող շինության -1, -2, -3 հարկերի նկատմամբ առկա են օգտագործման սահմանափակումներ:

• Սահմանափակումների վերաբերյալ համաձայնություն են ձեռք բերվել հետևյալի մասին ՝ կողմերը պարտավորվում են սույն համաձայնագրի կնքմանը հաջորդող 1 (մեկ) տարվա ընթացքում կնքել կամավոր սերվիտուտի պայմանագիր , որն ընդգրկելու է հետևյալ էական պայմանները՝ ք․ Երևան Արգիշտի 11/12 (շենք 1) և ք․ Երևան Արգիշտի 11/11 (շենք 2) հասցեների վերաբերյալ․
• 1․1 Կողմ 1-ը պարտավորվում է կողմ 2-ին տրամադրել շենքի 1-ի -1,-2 և -3հարկի ընդհանուր օգտագործման տարածքներից սույն համաձայնագրի անբաժանելի մասը հանդիսացող հավելվածներ 1,2,3-ում «Բ» նշումով գծանշված հատվածները այսուհետ (միասին տարածք 1) սահմանափակ օգտագործման իրավունք (սերվիտուտ) իսկ կողմ 2-ը պարտավորվում է տարածք 1-ը օգտագործել պայմանագրին համապատասխան:
• 1․2 Կողմ 2-ըպարտավորվում է կողմ 1-ին տրամադրել ք․ Երևան Կենտրոն Արգիշտի փողոց 11/13 հասցեում գտնվող 466,7 (չորս հարյուր վաթսունվեց ամբորջ յոթ տասնորդական) քմ․ մակերեսով հողամասի (այսուհետ տարածք 2) ինչպես նաև նրա վրա կառուցվող շենք շինությունների սահմանափակ օգտագործման իրավունք (սերվիտուտ) սույն համաձայնագրի անբաժանելի մասը հանդիսացող հավելված 1-ում «Ա» նշումով գծանշված հատվածները իսկ կողմ 1-ը պարտավորվում է տարածք 2-ը օգտագործել պայմանագրին համապատասխան:
• 1․3 Կողմ 1-ը տրամադրում է կողմ 2-ին, իսկ կողմ 2-ը կողմ 1-ին, համապառասխանաբար շենք 1-ի և շենք 2-ի միմյանց հետ փոխկապակցված ինժիներատեխնիկական սարքավորումները, ենթակառուցվածքները (կոյուղագծեր, օդատար ուղիներ և այլն) սպասարկող տարածքների սահմանափակ օգտագործման իրավունք (սերվիտուտ), իսկ կողմերը պարտավորվում են դրանք օգտագործել պայմանագրին համապատասխան:

Առկա են 18.06.2025թ. 156543/2 և 05.05.2025թ.  153044/2 որոշումներով կիրառված արգելանքներ, որոնք գույքի հարկադիր էլեկտրոնային աճուրդով իրացումից հետո կհանվեն ՀՀ ՊԵԿ-ի կողմից։