Տեխնիկական անձնագրի համարը՝ YB646826, նույնացման համարը՝J31-102312, շարժիչի հզորությունը՝ 173 Ձ.ՈՒ. / 127 ԿՎՏ: Ավտոմեքենայի զննումն իրականացվել է տեսողական զննության եղանակով։ Ավտոմեքենայի վրա առկա են քերծված, ներկանյութը խամրած և վնասված հատվածներ։ Դիմացի թափարգելը բացակայում է, իսկ հետևի թափարգելի վրա առկա են ճաքեր։ Դիմացի աջ անվաթևը դեֆորմացված, աջ լուսարձակը կոտրված։ Հետընթացի աջ լուսարձակը վնասված։ Տեղազննության օրվա դրությամբ շարժիչի աշխատունակությունը, փոխանցման տուփի աշխատունակության աստիճանը և վազքի ցուցմունքը հնարավոր չի եղել ստուգել։ Անհնարին է եղել բացել շարժիչի ծածկոցը, ինչպես նաև բեռնախցիկը։ Սրահի վիճակը բավարար, անվադողերը կիսամաշ։ Ավտոմեքենայի թողարկման բանալին առկա է։