Տեղազննությամբ պարզվել է, որ գնահատվող բնակելի տների մուտքը իրականացվում է դալանով (ավտոտնակով), որտեղ մուտքի մոտ տեղադրված է մետաղական դարպաս։ Երկու բնակելի տունն էլ միահարկ են: 205.68քմ մակերեսով բնակելի տունն ունի նկուղ, որտեղ ներքին հարդարանք չկա, առաջին հարկի ներքին հարդարանքը իրականացված է ներկանյութերով, ներքին դռները՝ փայտյա, պատուհանների շրջանակները՝ մետաղապլաստե, հատակը՝ լամինապատ, սալիկապատ, փայտյա, արտաքինց սվաղված է, առկա է լոկալ ջեռուցման համակարգ։ 95.56քմ մակերեսով բնակելի տան ներքին հարդարանքը իրականացված է ներկանյութերով, ներքին դռները՝ փայտյա, պատուհանների շրջանակները՝ մետաղապլաստե, հատակները՝ սալիկապատ,  փայտյա, արտաքինց երեսապատված է քարե սալիկներով, առկա է լոկալ ջեռուցման համակարգ։ Սանհանգույցները սալիկապատ են, առկա է Էլ. հոսանք, գազ և ջուր: Բնակավայրերի նշանակության, խառը կառուցապատման մի հողամասի մակերեսը 316.7քմ է, որի գրանցված իրավունքի տեսակը սեփականություն է, մյուս հողամասի մակերեսը 100քմ է, որի գրանցված իրավունքի տեսակը ընդհանուր բաժնային սեփականություն է։ Առկա է կաթսայատուն՝ 4.32քմ և օժանդակ շինություն՝ 5.94քմ։ Օժանդակ շինությունները չունեն ներքին հարդարանք։ Ըստ սեփականության վկայականի՝ 100քմ հողամասի նկատմամբ սեփականատիրոջ բաժնեմասը կազմում է 1/2 և ընդհանուր բաժնային սեփականություն է Հաղթանակի 9-րդ փողոցի 20 հասցեով բնակելի տան հետ։ Առկա են նաև ինքնակամ կառուցված շինություններ, որոնց վերաբերյալ սեփականության վկայականում գրառումներ չկան, ինչպես նաև չկան դրանց քանակական և որակական տվյալները, ուստի դրանք գնահատման հաշվարկներում չեն ներառվել։