Տեխնիկական անձնագրի համարը՝ PI205217, նույնացման համարը՝ 1YVHZ8CB9C5M15789, շարժիչի հզորությունը՝ 272 Ձ.ՈՒ. / 200 ԿՎՏ: Ավտոմեքենայի զննումն իրականացվել է տեսողական զննության եղանակով, ընթացքային հիմնական ագրեգատները, մեխանիզմները, դետալները և հանգույցները նախընթաց շահագործման ընթացքում ձեռք են բերել բնական շահագործողական մաշվածություն, դրան համապատասխան որակի և գոյապաշարի կորուստ: Արտաքին զննության ժամանակ միշտ չէ, որ հնարավոր է լինում հայտնաբերել դետալների և հանգույցների թաքնված արատները, որոնք կարող են ի հայտ գալ միայն հանգույցի կամ դետալի անմիջական բացման և ստուգման ժամանակ:

Անվադողերը, առջևի անվահեծերը, առջևի թափարգելը, ձախակողմյան անվաթևը և առջևի լուսարձակները բացակայում են, դիմապակու վրա առկա են երկայնական և լայնական ճաքեր և կոտրվածքներ, սրահը գտնվում է  անմխիթար վիճակում, գրեթե ամբողջ իրանի վրա առկա են քերծված, վնասված, դեֆորմացված, գունաթափված, ինչպես նաև վթարված հատվածներ, բեռնախցիկը հնարավոր չի եղել բացել, մարտկոցի լիցքաթափված լինելու պատճառով հնարավոր չի եղել ֆիքսել վազքի ցուցմունքը, ընթացային մասի որոշ դետալներ և հանգույցներ գտնվում են կոտրված և վնասված վիճակում, ավտոմեքենան ունի ընդհանուր առմամբ անբավարար ապրանքային տեսք և տեխնիկական վիճակ: