Ունի նկուղ, պատերը՝ քարե, առանց հարդարման, միջհարկային ծածկը՝ երկաթբետոն, տանիքը՝ ազբոշիֆեր, մուտքի դուռը՝ մետաղական, փայտյա երեսպատումով, միջսենյակային դռները՝ մետաղապլաստե և փայտյա, պատուհանները՝ մետաղապլաստե, միջանցքի հատակը՝ լամինատ, պատերը և առաստաղը՝ ներկած, սենյակների հատակը՝ լամինատ, պատերը՝ ներկած և պաստառապատ, առաստաղը՝ կախովի, խոհանոցի հատակը՝ սալիկապատ, պատերը՝ սալիկապատ և ներկած, առաստաղը՝ կախովի, սանհանգույցի հատակը և պատերը՝ սալիկապատ, առաստաղը՝ գիպսաստվարաթղթե, նկուղի հատակը՝ հարթասվաղ, պատերը և առաստաղը՝ առանց հարդարման, ունի ջուր, էլ․ հոսանք, գազ, ջեռուցման և օդորակման համակարգեր։

Առկա է անհամապատասխանություն սեփականության վկայականի և չափագրման տվյալների միջև։ Սեփականության վկայականով բնակելի տան մակերեսը կազմում է 155․6քմ, սակայն փաստացի չափագրության արդյունքում այն կազմել է 206քմ։ Առկա է 50․4քմ մակերեսով ինքնակամ կառուցված տարածք։ 

Ըստ սեփականության վկայականի առկա է ծածկ՝ 19․6քմ, սակայն փաստացի չափագրման արդյունքում ծածկի մակերեսը կազմել է 26․9քմ։ Սեփականության վկայականում առկա թիվ 2 շինությունը փաստացի ապամոնտաժված է։ Սեփականության իրավունքով, բնակավայրերի նշանակության, բնակելի կառուցապատման հողամաս՝ 268․4քմ, սակայն փաստացի չափագրության արդյունքում հողամասի մակերեսը կազմել է 279․4քմ։ Ընդհանուր բաժնային սեփականության իրավունքով, բնակավայրերի նշանակության, բնակելի կառուցապատման հողամաս՝ 61․6քմ, որտեղ սեփականատիրոջ բաժնեմասը կազմում է 1/3 (20․5քմ)։