Շենքը բաղկացած է նկուղից և վերգետնյա երեք հարկերից, նկուղի մակերեսը կազմում է 119․3քմ, պատերը՝ տուֆ քարից, միջհարկային ծածկը՝ երկաթբետոն։ Առաջին հարկի մակերեսը կազմում է 519․85քմ, երկրորդ հարկը բաժանված է հինգ մասերից՝ որոնց մակերեսները կազմում են 84․7քմ, 155․7քմ, 204․4քմ, 35․4քմ և 84․7քմ, երրորդ հարկի մակերեսը կազմում է 28․5քմ։ Շինության պատերը՝ տուֆ քարից, արտաքինից երեք կողմից սրբատաշ քարով հարդարված, չորրորդ կողմը առանց արտաքին հարդարման, միջհարկային ծածկը՝ երկաթբետոն, հիմքը՝ միաձույլ երկաթբետոն, ժապավենաձև, ծածկը՝ երկաթբետոն, տանիքածածկը՝ թիթեղյա։ Կինոթատրոնի առաջին հարկի ներքին հարդարանքը իրականացված է ներկանյութերով, հատակների մի մասը՝ սալիկապատ, մի մասը՝ հղկված բետոն, նկուղի ներքին հարդարանքը իրականացված է ներկանյութերով և տրավերտինե սալիկներով, առաստաղների մի մասը՝ կախովի, գիպսաստվարաթղթով հավաքված, հատակը՝ սալիկապատ, երկրորդ և երրորդ հարկերում ներքին հարդարանքը գտնվում է քանդված վիճակում, հատակները՝ բետոնյա, պատերի գաջածածկույթները պոկված և թափված վիճակում են, պատերի վրա առկա են ճաքեր, պատուհանների շրջանակները մի մասը՝ մետաղական, մի մասը՝ մետաղապլաստե, սանհանգույցները՝ սալիկապատ, առկա են էլ․ հոսանք, ջուր։ Սեփականության իրավունքով, բնակավայրերի նշանակության, շինության սպասարկման համար հողամաս՝ 938․4քմ։

Հողամասի նկատմամբ սեփականության իրավունքը փոխանցված է 04.10.2005թ. թիվ 199-Ն ՀՀ օրենքի 23-րդ հոդվածի պահանջների համաձայն, պայմանով՝ գույքի հետագա օտարման գործարքներից ծագող իրավունքների պետական գրանցումը կկատարվի վճարման պահին գործող հողամասի կադաստրային արժեքի վճարման անդորրագիրը ներկայացնելու դեպքում: