Ունի նկուղ, պատերը՝ քարե, հիմքը՝ բետոն, տանիքը՝ եռանկյունաձև ազբեստացեմենտային ալիքաձև վահանակներ, միջհարկային ծածկը՝ միաձույլ երկաթբետոն, մուտքի դուռը՝ մետաղյա, ներսի դռները՝ փայտյա, պատուհանները՝ մետաղապլաստե, հատակը՝ առաջին հարկի միջանցքը և խոհանոցը՝ բետոնե երեսսվաղ, սենյակները՝ տախտակ, պատերը՝ առաջին հարկի միջանցքը, սենյակները և խոհանոցը՝ ներկանյութ և պաստառապատ, սանհանգույցի և լոգարանի հատակը և պատերը՝ կերամիկական սալիկներ, ունի գազ, ջուր, կոյուղի, էլ․ հոսանք։ Ըստ սեփականության վկայականի լրացուցիչ նշումների առկա են 26․3քմ մակերեսով ինքնակամ կառուցված շինություններ և ինքնակամ բացված երկու պատուհան։ Սեփականության իրավունքով, բնակավայրերի նշանակության, բնակելի կառուցապատման հողամաս՝ 161․65քմ։ Ընդհանուր բաժնային սեփականության իրավունքով, բնակավայրերի նշանակության, բնակելի կառուցապատման հողամաս՝ 214․7քմ, սեփականատիրոջ բաժնեմասը 214․7քմ հողամասի նկատմամբ կազմում է 1/4։ Հողամասի մակերևույթը՝ հարթ, անբարեկարգ։ Բնակելի տունը հանդիսանում է մեկ ընդհանուր շինության մի մասը՝ ընդհանուր պատերով, մուտքն իրականացվում է ք․ Երևան, Աջափնյակ, Հ․ Լևոնյան փողոց 13/3 հասցեի միջով, որի հողամասը հանդիսանում է ընդհանուր բաժնային սեփականություն աճուրդի ներկայացվող բնակելի տան հողամասի հետ, ինչպես նաև փողոցի կողմից բացված մուտքով, որը ներառված չէ սեփականության իրավունքի վկայականում։