Արտաքին պատերը՝ տուֆ քարից, հիմքը՝ միաձույլ երկաթբետոն, ժապավենաձև, ծածկը՝ երկաթբետոն, տանիքածածկը՝ ազբոթիթեղ, ներքին հարդարանքը իրականացված է գաջապատմամբ, առկա են խունացած մասեր, հատակները՝ փայտ և բետոն, մուտքի դուռը՝ փայտյա, պատուհանների շրջանակները՝ մետաղապլաստե, սանհանգույցը բացակայում է, ունի էլ հոսանք, ջուր: Առկա են մեկ հատ ինքնակամ բացված պատուհան և 18․72քմ մակերեսով անավարտ ավարտվածության աստիճան ունեցող ինքնակամ շինություն, որը չունի ներքին հարդարանք: Սեփականության իրավունքով, բնակավայրերի նշանակության, բնակելի կառուցապատման հողամաս՝ 109․95քմ։ Ընդհանուր համատեղ սեփականության իրավունքով, բնակավայրերի նշանակության, բնակելի կառուցապատման հողամաս՝ 15․95քմ։ 08-093-0022-0023 կադաստրային ծածկագրով 15․95քմ մակերեսով հողամասը գտնվում է գ․ Պեմզաշեն, 7-րդ փողոց թիվ 10 հասցեի հետ ընդհանուր համատեղ սեփականության իրավունքով պատկանող 31․9քմ մակերեսով հողամասում։