Տեխնիկական անձնագրի համարը՝ AB133953, նույնացման համարը՝ 3FA6P0H78DR179438, շարժիչի հզորությունը՝ 175 Ձ.ՈՒ. / 129 ԿՎՏ: Ավտոմեքենայի զննումն իրականացվել է տեսողական զննության եղանակով, ընթացքային հիմնական ագրեգատները, մեխանիզմները, դետալները և հանգույցները նախընթաց շահագործման ընթացքում ձեռք են բերել բնական շահագործողական մաշվածություն, դրան համապատասխան որակի և գոյապաշարի կորուստ: Արտաքին զննության ժամանակ միշտ չէ, որ հնարավոր է լինում հայտնաբերել դետալների և հանգույցների թաքնված արատները, որոնք կարող են ի հայտ գալ միայն հանգույցի կամ դետալի անմիջական բացման և ստուգման ժամանակ։ Մեքենայի վրա առկա են խազված, քերծված, վնասված հատվածներ: Հնարավոր չի եղել ստուգել շարժիչի և փոխանցման տուփի աշխատունակության աստիճանը, սրահի վիճակը՝ բավարար, անվադողերը՝ մաշված։ Հնարավոր չի եղել ֆիքսել վազքի ցուցմունքը, ինչպես նաև հնարավոր չի եղել բացել և լուսանկարել ավտոմեքենայի բեռնախցիկը՝ բանալու բացակայության պատճառով։ Տեխնիկական անձնագիրը առկա չէ:

Գույքը ծանրաբեռնված է «Գառնի Ինվեստ» ՈՒՎԿ ՓԲԸ-ի օգտին գրանցված գրավի իրավունքով: Գույքի հարկադիր աճուրդով վաճառքի արդյունքում գրավի պարտավորությունները ամբողջությամբ անցնում են գնորդին՝ համաձայն Կատարողական վարույթի մասին օրենքի 93 հոդվածի 6-րդ կետի` Գրավի առարկան հարկադիր կատարողի կողմից կատարողական վարույթում իրացվում է պահանջատեր չհանդիսացող անձի գրավի իրավունքով ծանրաբեռնված վիճակում և համարվում է նոր սեփականատիրոջ կողմից գրավ դրված գրավառուի մոտ նույն պայմաններով: Պարտավորության չափը 18․03․2026թ․ դրությամբ կազմում է՝ 2․981․106 ՀՀ դրամ։