Ըստ թիվ 21052021-08-0045 սեփականության վկայականի առկա են սեփականության իրավունքով, բնակավայրերի նշանակության, բնակելի կառուցապատման հողամաս՝ 205․74քմ, 121․81քմ մակերեսով բնակելի տուն, ավտոտնակ՝ 45․58քմ, պարիսպ՝ 1․89քմ (3․4խմ), սակայն շինությունների որոշակի մասը կատարված տեղազննության ժամանակ փաստացի բացակայում էր։ Փաստացի չափագրության արդյունքներով առկա են թվով երկու շենք-շինություններ՝ բնակելի  տուն, որի ընդհանուր ներքին մակերեսը կազմում է 120․44քմ և պարիսպ, որի մակերեսը կազմում է 2․7քմ (16.7գծմ)։

Բնակելի տունը մեկ հարկանի է, ունի նկուղ, արտաքին պատերը՝ տուֆ քարից, հիմքը՝ միաձույլ երկաթբետոն, ժապավենաձև, ծածկը՝ հիմնականում երկաթբետոն, տանիքածածկը՝ թիթեղյա, ներքին հարդարանքը իրականացված է ներկանյութերով և պաստառապատմամբ, հատակները՝ սալիկապատ, լամինապատ, մուտքի դուռը՝ մետաղական հիմնակմախքով, ներքին դռները՝ փայտյա, պատուհանների շրջանակները՝ մետաղապլաստե, առաստաղները՝ կախովի, գիպսաստվարաթղթով հավաքած, սանհանգույցը՝ սալիկապատ, ունի էլ․ հոսանք, գազ, ջուր, անցկացված է լոկալ ջեռուցման համակարգ, նկուղում ներքին հարդարանք իրականացված չէ։