Ավտոմեքենայի զննությամբ պարզվել է, որ վնասվել, դեֆորմացվել և շարքից դուրս են եկել՝ ավտոմեքենայի առջևի աջ կողմի առջևի և հետևի դռները, աջ կողային հայելին, աջ կողմի դռան բռնակը և փականը, շարժիչի խցիկի ծածկոցը, աջ անվաթևը, անվաթևի պաշտպանիչը, ձախ հետևի դուռը, ձախ հետևի անվաթևի վրադիրը, աջ կողմի հետևի դռան վրադիրը։ Առջևի ձախ անվաթևը փոս ընկած է։ Ցուցիչ սարքերի վահանակը՝ ճաքճքած։ Ավտոմեքենայի թափքի վրա առկա են փոս ընկած, խազած, քերծված հատվածներ, որոնք ենթակա են վերանորոգման։ Արտաքին զննության ժամանակ միշտ չէ, որ հնարավոր է լինում հայտնաբերել վթարի հետևանքով առաջացած վնասվածության շրջանում գտնված դետալների և հանգույցների թաքնված արատները: Ավտոմեքենան (հիմնական ագրեգատները, հանգույցները, լրակազմող դետալները ու ընթացքային մասերն) ունի նախըթաց շահագործման հետևանքով շահագործողական մաշվածություն, դրան համապատասխան որակի, գոյապաշարի, ապրանքային վիճակի ու տեսքի կորուստ: Ավտոմեքենայի բեռնախցիկը չի լուսանկարվել։ Ավտոմեքենան մաքսազերծված չէ, գտնվում է մաքսային հսկողության տարածքում, գնելուց հետո կարող է բաց թողնվել միայն օրենքով սահմանված կարգով՝ Գնորդի կողմից մաքսային համապատասխան ձևակերպումները և անհրաժեշտ վճարումները կատարելուց հետո: