Հիմքը՝ երկաթբետոն, շինությունն իրենից ներկայացնում է ցինկապատ մետաղական տարրերով հավաքված հիմնակմախքով, պոլիկարբոնատե թափանցիկ թիթեղներով իրականացված կառույց, մուտքի դուռը՝ մետաղյա, ներսի դռները՝ մետաղապլաստե, հատակը՝ ջերմոցային հատվածը՝ հողային գրունտ, հիմնական անցուղիները՝ բետոնե երեսսվաղ, պատերը՝ գրասենյակային և սպասարկման հատվածները՝ ներկանյութ, սանհանգույցի հատակը՝ կերամիկական սալիկներ, պատերը՝ ներկանյութ, ունի գազ, էլ․ հոսանք, ջուր, կոյուղահոր։

Անշարժ գույքը իրենից ներկայացնում է հիդրոպոնիկայի տեխնոլոգիայով բույսերի աճեցման համար նախատեսված ջերմոցային տնտեսություն, որը բաղկացած է հիմնական արտադրական մասից՝  ջերմոցից, սպասարկման ու տեխնիկական տարածքներից և ավտոմատ կառավարվող օդափոխության, ջեռուցման, ոռոգման-օդակաթիլային, ջրահեռացման, սնուցման-սրսկման և էլեկտրաղեկավարման ժամանակակից համակարգերից։

Սարքավորումները փորձագետի կողմից չեն գնահատվել և չեն ներառվել անշարժ գույքի ընդհանուր շուկայական արժեքում, գնահատվել է միայն անշարժ գույքը՝ ջերմոցը և հողամասը։

Սեփականության իրավունքով, գյուղատնտեսական, արդյունաբերության, ընդերքօգտագործման և այլ արտադրական նշանակության հողամաս՝ 28810․83քմ, որից վարելահող՝ 5590․83քմ, գյուղատնտեսական արտադրական օբյեկտների՝ 23220քմ, մակերևույթը՝ հարթ, բարեկարգ, մեծ մասամբ ծանրաբեռնված  է շինությամբ։

Առկա են ՊԵԿ-ի ԱՀ125378/2, ԱՀ120809/2 որոշումներով կիրառված արգելանքներ։

Հանդիսանում է գրավի առարկա Ամերիաբանկ ՓԲԸ-ում։ Համաձայն  Դատական ակտերի հարկադիր կատարման մասին  ՀՀ օրենքի 50 հոդվածի 2-րդ մասի՝ գրավառուն հրաժարվել է պարտավորության վաղաժամկետ կատարումից և գույքի հարկադիր աճուրդից հետո նոր սեփականատիրոջն են անցնելու նախկին գրավատուի պարտավորությունները, իսկ գույքը համարվելու է գրավ դրված գրավառուի մոտ նույն պայմաններով, ինչ առկա էին մինչև գույքի հարկադիր էլեկտրոնային աճուրդով իրացումը։