Տեխնիկական անձնագրի համարը՝ SB056651, նույնականացման համարը՝ XTA21074072557113։ Ավտոմեքենայի զննումն իրականացվել է տեսողական զննության եղանակով: Զննման ընթացքում պարզվել է, որ ընթացքային հիմնական ագրեգատները, մեխանիզմները, դետալները և հանգույցները նախընթաց շահագործման ընթացքում ձեռք են բերել բնական շահագործողական մաշվածություն, դրան համապատասխան որակի և գոյապաշարի կորուստ: Շարժիչի իրանի վար առկա են յուղակեղտազանգվածային տեղամասեր։ Թափքի վրա թեթև վնասված տեղեր՝ աջ առջևի անվաթևը և աջ ետփի դուռը։ Անվադողերը՝ նորմալ վիճակ։ Սրահը՝ բավարար վիճակ։ Արտաքին զննության ժամանակ միշտ չէ, որ հնարավոր է լինում հայտնաբերել դետալների և հանգույցների թաքնված արատները, որոնք կարող են ի հայտ գալ միայն հանգույցի կամ դետալի անմիջական բացման և ստուգման ժամանակ:  Զննման ժամանակ վազքի ցուցմունքը հնարավոր չէր ֆիքսել մարտկոցի բացակայության պատճառով։ Բեռնախցիկի ծածկոցը չի բացվել փականի խափանվածության պատճառով։ Հանդիսանում է գրավի առարկա ԱԿԲԱ ԲԱՆԿ ՓԲԸ-ում։ Համաձայն  Դատական ակտերի հարկադիր կատարման մասին  ՀՀ օրենքի 50 հոդվածի 2-րդ մասի՝ գրավառուն հրաժարվել է պարտավորության վաղաժամկետ կատարումից և գույքի հարկադիր աճուրդից հետո նոր սեփականատիրոջն են անցնելու նախկին գրավատուի պարտավորությունները, իսկ գույքը համարվելու է գրավ դրված գրավառուի մոտ նույն պայմաններով, ինչ առկա էին մինչև գույքի հարկադիր էլեկտրոնային աճուրդով իրացումը: