Տեխնիկական անձնագրի համարը՝ XB922839, նույնացման համարը՝ XTA210610F1225290, շարժիչի հզորությունը՝ 77 Ձ.ՈՒ./ 57 ԿՎՏ։ Ավտոմեքենան տեղազննվել է ակնադիտական եղանակով։ Ըստ արտաքին ակնադիտական հետազոտման, թեթև մարդատար տրանսպորտային միջոցն ունի ընդհանուր առմամբ վատ ապրանքային տեսք և տեխնիկական վիճակ: Անվադողերը կիսամաշ են, տեղադրված է գազի տարողություն: Ավտոմեքենան գտնվում է վթարված վիճակում՝ առջևի թափարգելը, շարժիչի խցիկի ծածկոցը, լուսարձակները, առջևի անվաթևերը, դռները, կանգնակը, տանիքը, հետևի թափարգելը, բեռնախցիկի ծածկոցը, ինչպես նաև առջևի ընթացային մասերի որոշ պահեստամասեր գտնվում են վնասված վիճակում: Բացակայում է դիմապակին և ղեկի անվտանգության բարձիկը: Ավտոմեքենայի ամբողջ իրանի վրա առկա են քերծված, գունաթափված, դեֆորմացված, ինչպես նաև կոռոզիայով պատված հատվածներ: Տրանսպորտային միջոցի սրահը գտնվում է անբարվոք վիճակում, ունի շահագործողական մեծ մաշվածություն: Սրահի նստարանները և ղեկը գտնվում են պատռված, մաշված և վնասված վիճակում: